“声生不息”继续！刘德华与炎明熹合唱，郑欣宜同姚焯菲PK，传承港乐有新人，资深一辈觉得好开心

大家好我是阿飞，欢迎来到宅男部落

《声生不息》彻底收官嘅第一个周末

TVB就同香港电台联合

搞咗个《香港金曲颁奖典礼》

等大家又一次投身港乐party

呢个show最有派头嘅

应该就係请嚟咗刘德华

做开场嘉宾

近几年嚟华仔“沉迷”电影

咁啱最近又拍紧《潜行》

今次可以话係忙里偷闲嚟撑场了

一首《如果有一天》

久违嘅歌声已经令乐迷觉得

係一个mini concert

佢仲好贴心咁

将歌词最后一段嘅歌词

改成帮大家打气嘅内容

听完呢个开场觉得成晚暖在心头

大家注意到

呢首《如果有一天》唱到一半

就有一班新生人来上嚟接力

压轴现身嘅仲係“声梦女神”

GiGi炎明熹 Chantel姚焯菲

GiGi啱啱结束《声生不息》嘅节目

就马不停蹄飞翻香港疯狂出show

应该係想趁住呢次人气大涨

多啲同粉丝见面

Chantel前段时间同屋企人出国放飞

翻嚟整理好各种烦杂嘢

就开启“打工人”模式

无惧烈日参与户外活动

可能都係因为GiGi翻咗嚟

要继续努力先keep得住自己个势

两人有份参加金曲奖嘅开场演出

仲要傍实喺刘天王隔离

可见高层对佢两个嘅重视

//////////

今次嘅颁奖礼就重在港乐嘅传承

所以开场show拣咗资深前辈

带后生可畏一起合唱嘅模式

华仔自己都话

“努力不分年纪，

让我同你继续一起努力。”

而喺得奖名单上

都充分体现“不分年龄”嘅宗旨

除咗个别几位资深唱将之外

好多奖都俾咗新一代嘅音乐人

郑欣宜凭借《先哭为敬》摞奖

大家都觉得实至名归

嚟咗现场嘅佢穿咗一套好收身嘅礼服

上台唱歌都超稳超有台风

而啲新人歌手上台演绎嘅时候

就明显冇咁丝滑有啲紧张

甚至有啲啲走音边缘

证明係真唱，好事嚟嘅

各种原因冇办法出席嘅艺人

就用视频或者连线嘅方式

同大家分享自己得奖嘅喜悦

Color个friend曾比特

身在内地为新一档综艺努力

喜提多个奖项嘅佢

喺视频中感谢自己音乐道路上嘅伯乐

仲隔空献唱《1984》《我不如》

获得金曲奖乐队大奖嘅

Supper Moment

前排同过可乐君“游山玩水”

最近就忙紧巡回演唱会

得奖之后即刻连线演唱会现场

同睇show嘅“屋企人”一起见证领奖

超级有纪念意义

以前嘅歌曲颁奖典礼

会有好多“歌神”“歌圣”“歌侠”等等

出现“神仙打架”嘅盛况

相比起来，今年嘅颁奖典礼

显得更love and peace

新人多咗机会会登台

演绎新时代嘅作品

当年黎明、谭咏麟等歌手

宣布自己要退出颁奖礼

为嘅係想令新一代嘅年轻人

有更多机会企上更高嘅舞台

港乐需要更多新人传承

先可以实现声生不息

等我哋一起期待

有更多嘅好声音出现啦

MORE

今日娱乐看点

《告别薇安》今日开播

《告别薇安》改编自安妮宝贝小说

陈安安&林宇将带你

一秒回到校园生活

是否就会遇到那个让你心动的人

王俊凯有肤色差

小凯外出拍大片

大家发现佢手臂同手背嘅

肤色差好明显

係之前明明习惯穿长袖啵

粉丝话：连紫外线都不放过他

孟子义教徐志胜唱歌

孟子义睇完徐志胜

唱《不得不爱》嘅视频

忍唔住自己亲自教佢唱歌

网友：真係一个敢教一个敢学

资料来源：豆瓣、微博

网络信息综合整理

编辑：郭玮

审核：曾敏妍

签发：骆苹

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）